Njëri nga mysafirët më problematik të “Shpisë”, Meti u përjashtua sërish nga “Shpija”. Meti është shprehur me disa fjalë të ulta ndaj Fitores. Kjo zënkë erdhi pas një debati midis Metit dhe Fitores, i cili debat u banalizua me fyerje, sharje dhe kërcime të drejtuar njëri-tjetri. “Zoti i Shpisë”, këtë gjë nuk e toleroi dhe e përjashtoi prapë Metin.

Meti kur u rikthye në “Shpi”, i ka pasur të qarta rregullat që duhet t’i ndjekë, por si duket ai nuk arriti tu bindet rregullave dhe si pasojë e kësaj ai u përjashtua për herë të dytë radhazi. Rregullat e “Zotit të Shpisë”, janë shumë të qarta, askush nuk guxon ta fyej dikë në baza racore, kombëtare etj. Meti si duket këto gjëra nuk i pati parasysh dhe e ofendonte Fitoren për lidhjen e saj martesore që ka pasur me një nigerian, dhe shpesh herë këto debate kanë kaluar në banalitet, ku Meti është shprehur me disa fjalë të ultë ndaj Fitores, duke thënë “a nuk ka pas shqiptarë hiq që ke shkuar me të huaj”, dhe me fjalë të tjera ofenduese “ku e ke lënë zezakun e vogël”. Natyrisht se këto fjalë cenojnë dinjitetin e çdo njeriu, prandaj “Zoti i Shpisë”, ka vepruar drejtë duke ia treguar derën e përjashtimit për herë të dytë Metit. Por, as as Fitorja nuk ia ka lënë mangët fyerjet duke i thënë Metiti “ma mirë që unë e di ku e kam djalin, se sa ti që nuk e di ku e ke çeken”. Me këtë rast “Zoti i Shpisë”, Fitoren e ka dërguar në nominim për këtë javë. Duhet thënë se ditët e fundit debatet janë shtuar dukshëm në “Shpi”, dhe si pasojë e kësaj nganjëherë ka edhe fyerje që është normale për këtë format televiziv. Mirëpo, mysafirët duhet të jenë të matur që të mos e fyejnë askënd, për arsye se gjithkush ka të drejtë të veprojë ashtu si ai dëshiron në jetën e tij.

14.01.2010